Connect with us

Thlacam hlawhtling le thlacam thiam

thlacam

Politics and Religion

Thlacam hlawhtling le thlacam thiam

Thlacam hi zumtu kan nunnak ah a biapi i thlacam cu Pathian he i chonh zong a si.Mi cheukhat nih kan mah nih thlacam theng loin thlacam thiam hna sin ah kan kal, cheukhat nih thla kan cam piak u kan ti tawn.

Baibal kan zoh tik ah hal u law an pek lai, kawl u law nan hmuh lai, innka kingh u law an on piak lai a ti ( Matt.7 :7 ) Midang nih in hal piak sehlaw an pek lai a ti lo. Kan mah tein thla kan cam ahcun Pathian nih a kan pek lai. Midang thla va cam ter timi hi Baibal ah kan hmu lo.Bawi Jesuh sinah an rak ra i damnak a hmu mi hna hi na zumhnak in na dam tiah a ti ko hna. Midang zumhnak in damnak an hmu lo. Pathian sin in damnak hmuhnak hi thlacam thiam ruangah dam si loin zumhnak ruangah dam a si deuh.

Pathian nih a ho an si hmanhah zumhnak in thla a cam mi cu thleidang loin thluachuah a pek hna i a dam ter ko hna. Kan mah duhning in Pathian nih kan pe seh zungzal seh tiah kan duhmi hi a dik lo mi a si.Bawipa nangmah duh bangin si ko seh ti hi thlacamnak lakah a ttha bik thlacamnak a si. Thla kan cam piak ti nak in thlacam in kan bawm ve uh ti hi a dik deuh mi zong a si.

Van Ngai Sang

Click to comment

Leave a Reply

Your email address will not be published. Required fields are marked *

More in Politics and Religion

To Top