Connect with us

Salai Bawi Lian Mang : Delhi le Malaysia Ralzam

ralzam

Chin News

Salai Bawi Lian Mang : Delhi le Malaysia Ralzam

Salai Cung Dawt, CHRO Delhi hruaitu le UNHCR Chief of Mission Delhi hna cu Chin ralzam kong ah bia an iruah lai. Salai Sang Hnin Lian, CHRO human rights Program director nih Fortify Rights Director Amy he ibawm in UNHCR Asia Regional Chief of Mission cu Bangkok ah August 22 ah bia an ruah lai.

Harnak le thin phannak kar ah Chin miphun hi Khuazing Pathian nih an kan runven zungzal. Kan phak nak kip ah hawikawm ttha le kilhkamh tu ttha a kan pek. UNHCR nih Chin ralzam kan in veng ti hna lai lo an ti le cang ka in zeitin dah UN bia cu kan leh hna lai ti ka ruat.

Thlakhat chung kherhlai nak kan tuah hnu ah cahmai 30 renglo chirhchan nak fek te he Delhi le Kuala Lumpur ah UNHCR cu kan leh hna. Cu kan leh hna nak ca cu Law lei a thiamsang mi Michael Howard nih a kan hruai I kan ttial. Michael hi CHRO ah advocacy coordinator a ttuan lio mi International Law thiamsang asi. Cu pin ah CHRO ah advocacy director a rak ttuanmi American Lawyer Amy Alexander (Cer Chin tiah Lai min kan sak) le Malaysia ah Law lei thiam sang Eric Paulson UNHCR nih Burma ram refugee kong ah Malaysia, Bangladeh le Nepal ah ruahnak pe tu ah an hman mi asi. An mah hna nih an kan tel pi caah kan hna a ngam khun.

Amy cu Chin mi US le ramttha kip I kan kal nak ah a hruangttha bang a rak kan kam tu le tlang a rak kan chimh piak tu asi. Eric zong Malaysia cozah sin ah siseh, Malaysia CSO pawl sin ah siseh Chin Refugee pawl mithmai kan neih khawh nak ah a hramthok te in a rak kan dirkamh tu asi.

KL ah nithum chung kan I ceih hnu ah vun pehzulh ding ah Delhi ah Salai Cung Dawt CHRO India hruaitu le UNHCR Chief of Mission cu thaizing kiptuh ah an I tong lai. Cu pin ah CHRO human rights program director Salai Sang Hnin Lian le UNHCR Asia Regional Chief cu tu thla 22 ah Bangkok ah an itong lai.

Click to comment

Leave a Reply

Your email address will not be published. Required fields are marked *

More in Chin News

To Top