Connect with us

Pulpit zeitindah kan hman awk a si

pulpit

Politics and Religion

Pulpit zeitindah kan hman awk a si

Tuchan ah pulpit sang cungah a tthumi kan um hlei awk a si ti lo. Caan hmangtu lawng va kai i caan hman a za ko a ti mi hna an um. Cheukhat nih Pathian sin raithawinak a tuahtu an si caah an kai awk a si ko ti mi zong an um.

Minung lei kap ruahnak ahcun zapi nakin pulpit a tthu mi hna khi an sang deuh ti phun in a ruatmi zong kan um taktak. Cu a dik lo ni le minung ruahnak sawhsawh a si. Pulpit a hlei in kan tuahnak le can ngeitu pawl pulpit cung an tthut nak hi sullam thuk piin a ngei.

Pulpit sangdeuh in kan tuahnak sullam le a cungah an tthut a herhnak cu, anmah minung kha cungah kan thlir tinak a si lo. Pumhnak chungah Pathian biachim le thlacam le thangtthat nak hna kha zeizong vialte nak in a sang bik nak hmunah kan chiah ti nak a si.

Amah belte Pulpit cung a tthu mi hna nih mi.zapi nakin sang deuh ah kan tthut caah thinlung san ter ding a si lo. Mipi hna nak in a.san deuhnak hmun ah tthut a si nain,Pathian he pehtlaihnak thinlung tu cu mi zapi hna nak in a niam deuh a herh ve.

 Cu lawng si rih loin Biakinn chung aa pummi vialte kan thinlung le ruahnak cu pulpit ah chimmi Pathian bia le Pathian kong chimmi biatak ah khan aa fonh dih tinak a si. Pulpit konghe pehtlai in Nehemiah ( 8: 4-6 ) ah kan hmuh khawh.

Rev. Dr. Ngun Ling

Click to comment

Leave a Reply

Your email address will not be published. Required fields are marked *

More in Politics and Religion

To Top