Connect with us

Khrih Thawngttha Phuan Le Ar Rawl Fah

Pathian

Politics and Religion

Khrih Thawngttha Phuan Le Ar Rawl Fah

Pastor (keimah telh chih in ) te nih pulpit cungi thawngtha kan chim tikah  ar rawl fah in kan fah hna ah cun thawngtha cu kan heichim ve ko nain khrihfabuu he kan i naih kho hlei lo.Khrihfabu cu Bawipa an ttih caah Pastor te zong an upat mi an lo ko nain a tak tak ah cun pulpit cung thawngtha chim lawngin cun khrihfabuu lung a awi kho ruam lo ti hi theihbak a  hau ngaingai.

Pathian an ttih caah Pastor te cu an kan upat mi an lo ko nain an lungthin chung te cun an rak kan rem ziar lo.Khrihfabuu caah ruahnak tak tak he thawngtha kan chim ah cun thawngtha chim hi a that tuk lo hmanhah kha thawgtha kha  a dih sual lai ti hmanh an phang leh lam.

Pastor te le khrihfabuu kar ah hin kan social life a cat sual lai ti hi phan a um ngai.A cheukhat khrihfabuu ah cun an pastor te hi keimah bantuk  santlai lo te phungchim a thiam satsai ve lo mi  a phiangthar satsai ve lo mi te an si ko nain khrihfabuu nih an tlaihchan tuk hna i an lahkhah hmanh an karh luaimai ko hna.a cheukhat pastor te cu cu bantuk cu kan si ve hoi lo.

Pungchimnak in khrihfa upa ngiar a hmang mi ;Khrihfabuu kha nan piangthar lo tuk ti a hmangmi ;keimah bantuk in piangthar uh ti  a hmangmi ;khamhnak kong chim ngai ttung i  khrihfabuu nih rem ziar lo mi kan um .Thawngtha kan chim mi hi arrawl fah bantuk in kan fah ve ah cun khrihfabuu lungthin he kan i hlat chin lengmang .

Phungchim thiam ngai ttung ;pianthar ngai ttung i khrihfabuu lungthin put he aa hla ngai mi pastor hi  arrawl fah bantuk in thawngtha kan chim caah a si rua tiah ka ruah.Rev.Dr.Cung Lian Hup

Click to comment

Leave a Reply

Your email address will not be published. Required fields are marked *

More in Politics and Religion

To Top