Connect with us

Bawi Jesuh Chuah Ni (Birthday)

Jesuh

Politics and Religion

Bawi Jesuh Chuah Ni (Birthday)

Christmas an ti nak a sullam tak tak hi Baible a cawngmi ka si lo caah ka chim thiam lai lo.A sinain lai thluak in tuak tikah Bawi Jesuh chuahcam tuak ti khi a si ko.Tu chan holh in cun Bawi Jesuh Birthday ti a si ko.

Mi pakhat kan zoh hna ah hring tu an nu le an pa kan zoh chih tawn hna.A pa fa ciam mam kan ti mi  an um i a nu fa ciam mam kan ti mi hna an um.Kan biachim hrim hrim ah ci le kor ti mi a um.Zei caah tiah a hring tu hna a si caah a si ko.Cu caah Bawi Jesuh a hringtu le a ngei tu hna cu Mary le Joseph an si.

Christmas ah Mary kong van cungmi kong tu khal hna kong arfi zohthiam hna kong hi an chim ngaingai mi a si.Zakhariah le Elizabet kong a chim mizong an um pah tawn.

A sinain Jesuh pa rori a si mi Joseph kong an chim mi ka thei bal theng lo.Laimi kan khuaruah ning ah hrintu apa ngai ngai a si lo tiin maw an chim duh theng hnga lo cu ka thei ve lo.

Joseph hi Jesuh a hringtu tak tak a si lo nain Jesuh a ngeitu a sinak le Jesuh a cawm kengtu a sinak a nunah hmuh khawh a si ko.Laimi Pathian a zum tu hna hi Jesuh ka ngei kan ti dih i Tiangthlarau ka ngei kan ti dih cio ko nain Jesuh a ngeitu kan si nak le Thiangthlarau a ngei tu kan si nak kan nunnah pakhat hmanh a um lo.Cu cu Christmas tuah ve tung i a nawmh lo ngaingai nak a si ve ko lai dah.

Perh kalh

Click to comment

Leave a Reply

Your email address will not be published. Required fields are marked *

More in Politics and Religion

To Top