Connect with us

Australia Chin Hruaitu Hna Nih Ralzam Kong He Pehtlai In Australia Cozahpi Ton

ralzam

Chin News

Australia Chin Hruaitu Hna Nih Ralzam Kong He Pehtlai In Australia Cozahpi Ton

A tu lio kan chin ralzam ram hnihnak a tang rih mi Chin miphun hna Australia cozah nih lak rih ding in le kan konhlam chim phuan ding ah Australia ram State 6 in Chin Community upa hna.le Kawlram lei in CHRO hna cu December 2 ah Australia cozah zunghmunpi a si mi Canbera ah an kal.

Tutan Cozah le Chin upa tonnak hi Perth ummi MP Dean Smith tawlrelnak thawng in a si tiah tutan Canbera i a kal ve mi Pastor Ca Lian Thang nih CBN ah a chim. “Australia ratnak ding ca chungkhar kawh auhnak form a si mi 202 visa in khan case 800 cu Cozah sin ah kan pek cang. A milu cun minung 3,000 fai auhnak ding caah form zong tlamtling tein kan pek hna’ tiah chim chap.

Joint Standing Committee on Foreign Affairs and Trade, Human Rights Sub Committee cu an ton khawh cang hna. CHRO Executive Director Pu Bawi Lian Mang le Program Director Pu Sang Hnin Lian nih Chinram i a tu lio Human Rights dirhmun an chimh hna. Australia Chinmi kan hlawhtlinnak hna le tthancho kan duh rihnak kan chimh hna. Kan tuanbia dawh kan ttialmi cauk kan pek hna. Malaysia le India i a taangmi Chin ralzam pawl an dirhmun le an kong an chim.

A tu Canbera in an rak kir hnu ah CBN he ton biaruahnak a um lai caah biahal nan duhmi um ahcun a tang lei ah pehtlaih khawh zungzal kan si.

mobile 0434185788

facebook zong in pehtlaih khawh kan si.

Credit:CBN News

Click to comment

Leave a Reply

Your email address will not be published. Required fields are marked *

More in Chin News

To Top