Connect with us

US Ummi Pi Hla Ci (kum 45) Nih Mual An Kan Liam Tak

Hlaci

Chin News

US Ummi Pi Hla Ci (kum 45) Nih Mual An Kan Liam Tak

THIH DAR : Bawi Khrih ah nulepa ulenau hna,

Indiana Chin Baptist Church chungtel a simi Pi Hla Ci (kum 45) nih takpum damlonak (brain tumor) in nihin October 22, 2018 zinglei 11:00am ah Community South Hospital, Indianapolis, IN ah mual a kan liamtaak i taantaakmi chungkhar le Khrihfabu cu ngaihchia lungkuai in kan um lio a si. Pi Hla Ci cu Pu Khuk Thio (tleicia) le Pi Dawt Cia (tleicia) nih fale 9 an ngeihmi hna lak ah a pali nak a si. Halkha Khuahlun, Innral sang ah a chuak. Tleicia Pu G. Biak Nawl i a far fa a si. A pasal Pu Run Er he fanu pakhat le fapa pahnih an ngei. Thlacamnak in rak kan bawm cio hram u.

A ruak thlahnak ni le caan kong cu thaizing ah fiangfai deuh in kan rak thanh tthan te lai. A tu tiang ruah chungmi ahcun, a hnubik Friday ah thlan tla ding a si. Cucaah, tuzan Monday (October 22, 2018) thawk in thlan thlak lai zan tiang ICBC Biakinn ah 7:00pm lengmang ah tthutpinak le thlacam pumhnak kan ngei lai. Thlacamnak in siseh, ahleiin Indianapolis khuasa zumtu nulepa hna nih zan tin tthutpinak hmun ah ngaihchiat hrawmpi ding in nan rak kan chuahpi cio nak lai Bawi Khrih min in kan in sawm hna.

Indiana Chin Baptist Church

Click to comment

Leave a Reply

Your email address will not be published. Required fields are marked *

More in Chin News

To Top