Connect with us

UNHCR Nih Chin Mi Poh Phone SMS In Ca An kuat Dih Hna

UNHCR

Chin News

UNHCR Nih Chin Mi Poh Phone SMS In Ca An kuat Dih Hna

Malaysia UNHCR nih Chin mi poh cu an phone ah SMS in ca akuat dih hna link te in a kuat chih hna, kawlca in a tial caah zapi nih kan theih khawh lo sual tiah kan ti khawh tawk in kan let, tutan ca a kuat mi hna hi a hlan i thawngpang kan rak theih cang mi kha si ko.

Chin ram cu aluancia kum caan zeimaw zat chung ah ramkhel kong, zatlang nunak kong, humhimnak kongkau lei pehtlai in hlathlainak kan tuah tik ah thachonnak lei thlennak lei a panh cuahmah, hi dainak le thachonnak  hi hmailei zong ah pehzulh in caan zau pi hitihin akal cang ko lai tiah fiangte in kan hmuh khawh hnu ah fekte in biakhihnak kan tuah ve.

Myanmar ram chung Hmundang kadang ahcun himnak le daihnak  um rih hlah hmanh seh law,Chin ram cu dainak aum ko caah ralzam pakhat cio cung ah zeihmanh tih awk le runven awk a ahau ti lo mi dirhmun ah nan um cang, cu caah Chin ralzam cu Myanmar ram ahhin him te in nan um kho lai tiah UNHCR nih kan zumh caah runvennak nan hau lo .

Cu caah Chin ralzam caah runvennak dihter ding cu 2018 August thla in thok asi cang lai, UNHCR nih thim ding pahnih pek kan silai cu hna cu atanglei ah kan hun langhter. Card renew na tuah tik hitihin an i hal te lai caah pahnihnak hi chin mi kan caah cun a tha deuh te lai.

  1. RSD interview tuah na duh maw tiah hal nan si lai, RSD biahalnak timi cu ralzam ah cohlan awk a tlak maw tlak lo timi kherhhlainak asi. Cu caah ralzam ka sinak tuanbia hi RSD interview ah ka hal ko uh tiah na ti hna ahcun thla 2 chung ah cu biahalnak cu lim khawh a izuam lai. Na sungh sual ahcun UNHCR minung na si ti lai lo. zeihmanh an i tlangtlak ti lai lo. RSD biahalnak hi 2013 zunglut pawl minung 6000 leng an tuah cang hna i a awng mi an um lo ti awk asi cu caah RSD biahalnak cu na phit hlan i a result cu na fiang pah cia ko lai tiah ka zumh.

  1. RSD phit na duh lo i (punghmaan) a sining kel te in kal na duh ko ahcun 2019, December thla tiang card/catlap an i pek lai, 2019 december thla dih hnu in cun Chin mi kan dihlak in UNHCR minung kan si ti lai lo tinak khi asi, zei kan ton zong a kan tlangtlak ti lai lo.
Click to comment

Leave a Reply

Your email address will not be published. Required fields are marked *

More in Chin News

To Top