Connect with us

Lai Tlangval Pawl Nih Hi Ca Hi Lanh Tak Hrim Hrim Hlah” A Cang Khomi Thil A Si

nungak

Education

Lai Tlangval Pawl Nih Hi Ca Hi Lanh Tak Hrim Hrim Hlah” A Cang Khomi Thil A Si

Nungak he chatting nan tuah, Ruah lo piin amah he sex chat tuah na duh, A taklawng hmanthlak na hal nungak nu nih a duh lo an al, Na hal nolh tthan, Nungak nu nih ka theithiam ko tiah an nawl, Ka zum ko tiah zumh awk na tlak nak kong na chimh, An kua ngam hlei lo an al peng rih, Naa thawh i na hal tthan.

Cun nungak nu nih chikhat ka hngak an ti i, Na hngah, A taklawng hmanthlak cu an kuat taktak a hmanthlak na hmuh bak in nai nuam tuk i, Nangmah tein diriamhnak na tuah colh, Naa lim in nungak nu taklawng hmanthlak cu na zoh tthan, Na fih colh, Man ngei ah na chia in na ruat ti lo, Na lungthur cang.

Biachahnak pakhat khat na tuah, Nungak nu taklawng hmanthlak cu facebook cung ah na tar, Amah zong na hei Tag chih rih, Nungak nu nih a hmuh, Ka phiat piak tiah an nawl, Ttah buin mitthli he zaangfah an nawl len nain, na phiat piak duh lo, Nungak nu nih na ka phiat piak ah cun ka taklawng hmanthlak kan kuat nolh tthan lai tiah an ti, Asinain nai thawh i kan hmuh dih cang ka herh ti lo tiah na leh.

Na hmanthlak tarmi ruangah na hawi le nih Like  le Reaction an pek cio, A cheu cu an comment ning ttihnung a si, Micheu nih an huhphenh, A cheu nih an zaangfak, A cheu nih an nehsawh, A hmanthlak cu a hawi le nih an hmuh, A cheu cu an lungdong, A cheu nih a kong an ceih, A cheu a hawi le nih an hunphenh, Asinain zeihmanh aa hlei hlei lo, Nu le pa nih hrin sin in mikip nih hmuh cio dih mi a si ko.

Nungak nu taklawng hmanthlak cu a cheu nih an Share a cheu nih an i Save a cheu nih an i thawh riangmang i a chung le an va piah hna, Nungak nu cu aa ngaihchih tuk, A ttap a thaizing sianginn kai aa thawh ah an met an zoh chih, ca cawnnak khan chung a luh ah saya kyi nih a auh, Hrilhfiah nak a tuah ko nain a cohlang lo, Saya kyi nih hringtu a nu le pa a uah hna.

A donghnak ah cun sianginn tiang in an chuah, Hringtu a nu le pa nih saya kyi cu an nawl piak len a duh lo, An 3 in inn ah an ttin lam ah an sik, A pa nih a velh, A phone an chuh, Nunnak hi a caah zeihmanh lo ah an cang, Nungak nu cu inn in a chuak, Lam kip a hmuh tonmi minung nih an kutdong an sawh i an nehsawh, A khuaruah tam tuk i vawlei cung nun zuam loin thih tu aa thim cang.

Inn ah a ttin a nu ihnak tang i zuu thahnak si cu a lak, Thawl chin a on, A ran khawh chung in a din i Minute 2 ah a nunnak a liam colh, A nu le pa nih kan velh rih lai tiah an auh i a hawi ti hna lo, Khan chung tiang an luh hnawh, An fanu cu a thicia in a ruak an hmuh, Zuu thahnak si cawtu hringtu nu nih amah sual aa puh, A fanu a vel tu hringtu pa nih amah sual aa puh ve, An 2 in lung kuai mitthli he an ttap.

Nungak nu thih thawng a theimi cingla rualchan nih an tuar, A hawi ttha bik hna zong an ngaih chia, Cu thawngpang a theimi nang zong caan vialte khirh tthan na duh, Minung pakhat nun nak remh piak tthan na duh, Ruak thlah ni ah an ttap dih, Nungak nu a chungkhar zong an nun an i thleng, A hawi le zong an i thleng, Nang zong naa thleng ve, Zei huaha lo thil kong ah nungak pakhat cu a nunnak tiang a liam phah.

Nunnak pek lawng ah maw dawtnak tling a si.

A kum kum in hngah awk a tthami thil ah rian rang in an dawt tak le dawt tak lo theih duh ah a nunnak pek ter zau in nu pakhat a man na zor ter, A duhnak langh ternak ah sex kong na chim, Kan tthit hrimhrim lai timi bia nak in hringtu ka nu le pa he ton ter nak kan ngeih lai timi bia hi na chim kho lo maw? Asi lo ah cafang fonh ning daan dah na rak thiam lo bia a si.

A nunnak vialte ap dih ding in na rak hal i, Phung ning te sinak ding caah mithut ruah ah Second 3 tluk na caan pek te hi nu caah a man fak tuk mi maw a si. A taktak a ngaingai ti ah cun mitthli a tlak hmanh ah, Hotel chantling cung i ngaihchiat ruang ah a tlami mitthli nak in hringtu nu le pa sin i mithmai ngei in hal ruangah lunghmuih ruang i a tlami mitthli hi man a ngei deuh, Sex le Love hi thleidan khawh ah cun a ttha tuk hringhran ko hnga.

Click to comment

Leave a Reply

Your email address will not be published. Required fields are marked *

More in Education

To Top