Connect with us

Kan tar hlan ah zei dah kan i tuah cia aherh

tar hlan ah

Education

Kan tar hlan ah zei dah kan i tuah cia aherh

Nikhat khat cu atar hnga minung lawngte kan si.Atu kan tar lo hmenh ah nikhat khat ah cun kan tar te ko lai.Atu kan rel ah cun kan nu le pa ca zong ah fim chimh nak ah san atlai i kan tar tik  zongah atha hnem lai.Biaknak lei si lo in vawlei lei in kan vun langh ter

 1.Tar Pi Hawi

Nu le va kar ah tar tiang i dawt nak hi aherh tuk.Ahlan ah cun nan i daw tuk nan tar hnu ah cun mui zoh zuam lo ti te hna i asi awk asi lo.Pa nih afa pa ca Nu nih afa nu ca tiin nan tan pi awk asi lo.Nan no lio ah nu le va nan si nan nan tar hnu ah cun hawi kom bantuk in nan um aherh.Na no lio ah inn lei ah herh mi na kawl nupi le fa le na cawm hna aleng ah nu naa duh zuu le sa naei i na nu pi cu na sal bantuk ah na chiah.Nan i um hnu kum 20 arauh ah na fa le nih nu lei lawng te an tan tikah na nu pi nih a inn tuar mi an leh rulh khawh than.Cu caah na cungah na nu pi nih thil tha lo tuah hlah seh ti naduh ah cun a cungah rak tuah ve hlah.

 2.Inn

Um nak caah inn na ngeih ahau.Mah inn  cu nathih tiang na kil ven ahau.Arauh hlan kathi cang lai tiin nafa le ro va pe hna hlah.Arauh hlan ah mah inn khan na chuak kho.Atlau lo hmenh ah fa le mit hmai zoh i nun cu ahar tuk.

 3.Rawl

Rawl ti tikah sui ngun chawva khi asi.Na fa le nih tangkaa karh nak ah kan herh an ti hmenh ah va pe hna hlah.Azaa pi ten na pek hna ah cun na um nak inn a lo tlau kho.Dawt nak ti mi cu tefa karh ter nak ca lawngah asi.Fa le dawt nak cu zei saram paoh nih an ngeih.Nain nu le pa upat cu biaknak lei in cawn piak mi asi caah aa fiang mi thil asi lo.Nu le pa nih fa le 10 cu hmai panh ten kan cawm ko hna nain fa le nih nu le pa 2 cawm ahcun an hmai chia ko.Cu caah na tar catiang ei dingin ti rawl i chiah.

4.Ngan Dam Nak

Na tar tikah ngan dam tein na um nak hnga naa zoh khenh aherh.Zingkaa ten in laam leng i chawk,na hawi le he cawl cangh nak tuah.Na kal khhaw ti lo hmenh ah acawl kho mi kha cawl ter peng.Na ngandam cu nangmah ca si lo in nafa le caah asi.An riantuan nak ah hna hnawh nak na pe ti hna lo i an rian tha ten an tuan khawh.

5.Thin lung

Kan tar tikah na thin lung hi abia pi tuk.San katlai ti lo naa ti awk asi lo.Thih nak zonghi ruah i tih ding asi lo.Nikhat kan nun cun ni khat a miak.Na ngan dam cun biak nak lei, vawlei lei ah i tel ve .Lung awl tom lo tein na nun awk asi.

Click to comment

Leave a Reply

Your email address will not be published. Required fields are marked *

More in Education

To Top