Connect with us

Ka Nu, Kan hlamnak a sau tuk cang”

ka nu

Chin News

Ka Nu, Kan hlamnak a sau tuk cang”

1994, Feburary thla, Germany khua ah sister Trezar an timi ngaktah sianginn a ngei tu pakhat aum. Voikhat cu zingka tuan tein a tho I inn kaa pawng te ah ngakchia taah thawng a theih. A zoh tikah zangfahnak mithmai he khuasik lak ahcun cu ngakchia pate cu a char I cawm ding ah inn chung ah cun aa lut pi. Amin ah DyDy tiah a sak.

Kum 7 a tlin caan cu theih manh a si lo ai! An sianginn ah a ummi ngakchia hi an tam ngai I zarteni (Saturday) fatin hi khua len ah an vah pi tawn hna .Cu an kalnak cu khua te a si I an nu le nih an fale an sik hna tikah “chimh nan ngai lo a si ahcun khi sianginn ah kan I chiah ve hna lai” tiah an sik tawn hna. Cu aw a theih tikah DyDy cu sister Trezar sinah “ ka nu hi a ka daw lo caah maw hi sianginn ah a ka chiah tak” tiah sister cu a hal ton. Cu tikah sister nih cun “ DyDy , na nu nih an chiahtaknak a ruang cu fiang tein cun ka theihlo nain an dawt lo caah cun a si hrim lo, a sin ah harnak pakhatkhat a um ruangah le bawmhhal awk a ngei hnalo caah a si kho mi a si, na nu nih hin an dawt tuk mi na si” tiah a leh. Ngakchia a si ko nain DyDy nih hin khuaza tampi a ruat tawn. A nu hi a ngai tawn, a hlam tawn, a nu kong hi “theih ka duh tuk” tiah siater sinah a chim tawn.

2003 Mother’s Day,

Nu le dawtnak kong cu TV in le hla phun phun , activitives tam piin khua chungah cun an lawmh. Fa le nih an nu le cu laksawng le “ka nu kan dawt tuk” tiah chimh in caan sunglawi nu le ni cu an lawmh mi cu DyDy nih a hmuh tikah thinglung kekkuai in lampi ah mah lawng in a tap. Mother’s day ah nu le tampi cu ahmuh hna nain DyDy nu cu aa tel lo.Lam kam te ah dum chungah amah he thitkhat simi ngakchia pakhat a nu rian a bawmh lio kha ahmuh. Kei zong ka nu rian bawmh ka duh tuk ve tiah anu cu a lung chung tein a hlam.

Hi hmumhmi thil nih thinlung thazaang a der ngaimi DyDy tampi a bawmh. Mi dang nu le kha bawmh awk an um tikah ka bawmh mi hna hi ka nu zong bawmh arak herh tikah bawmhtu a rak ngei ve nak hnga tiah mi dang bawm khawh aa zuam. “Ngaktah ka si zongah lung tha der loin le mi dang bawmtu si ding kaa zuam lai” tiah biahchahnak a tuah.

Mi bawmh ding a hmuh mi poah bawmh khawh aa zuam. Kaa lawm tuk tiah an leh tik ah “ keimah lawmh nan ka duh ahcun mi dang pahra sin ah bawmh khawh va zuam ve” tiah a leh tawn hna. Cutin cun mi tampi a bawmh hna.

Ni khat cu Rick an ti mi minthang presenter pa a um . Amah cu mipi nih uar tuk mi asi.Asinain a rian ah soiselnak a ton caaah khualtlawn kal ding ah DyDy te khua lei ah a kal. Lungtur zawtnak a ngei mi a si. Tiva kam ah DyDy sio-hri a thlak lio a si. Cu pawng te ahcun Rick cu a mortor in a tum tik ah lungtur zawtnak ruangah vawlei ah ruahlo piin a tlu sual. Cucu DyDy nih a hmuh tik ah a nunnak kham ding ah siizung ah a kal pi. Rick nih ka nunnak na ka khamh caah zeidah na duh tiah a hal tikah “zeihmah ka herh lo a sinain keimah lawmh na ka duh ahcun midang pahra kha va bawm ve hna” tiah a leh. Rick cu presenter a tuan than tikah “ a tu cu keimah ka hmuhtonmi kong theihter kan duh hna” tiah midang pahra a bawmhnak kong cu a chimh . Hi aa dawh tuk mi tuahsernak hi Dydy nih a ka cawn piak mi asi tiah chimh tikah mipi nih DyDy cu hmuhton le biahanak tuah an duh ngai caah TV in thlah dingin in an sawm. “Ka nu ka bawmh a si tiin kaa ruah caah a si” tiah a leh hna.

Ni khat cu DyDy I sianginn kai ti hawi le nih tangkaa lak sawng an pek mi a ngei lai ruahnak he a bag cu an chuh. A sinain an I ruahchanmi tangka cu an hmuh lo. Cu tikah DyDy cu nam in an sawh I lamkam ah thi deng in a ril ko kha mi pakhat ni a hmuh tikah siizung ah a tlik pi. DyDy konglam le damnak ding caah bawmh ding in mizapi sinah TV in an thlah.

“DyDy cu thih dengin a um lio ah a hlam hmasa mi le a kawl hnasami hi a hodah khidah a vasi hnga tiah na ruah? Hmuh bal lomi hringtu a nu kha “ ka nu, ka nu kan hlam tuk cang, kan kawl nak asau tuk cang, Ka nu kan ngai tuk, kan dawt tuk, hmuh kan duh tuk, ka kal tak ti hlah mu ka nu, na kong theih ding ah kan hlat zungzal ka nu, ka kal tak ti hlah mu ka nu, ka nu” tiah hringtu a nu cu hlam riangmang in a nunak a dih.

Note: Hi tuanbia I Nu bantuk si loin fale caah ral tha tein dirhkamtu hna hringtu kan nu le upatnak kan pek hna. Hringtu kan nu le hi zei kan ton poah ah kan hlamhmasa mi hna nan si. Pathian nih fale caah pekmi lakah laksawng sung nan si.

Sui Li Par

Click to comment

Leave a Reply

Your email address will not be published. Required fields are marked *

More in Chin News

To Top