Connect with us

Israel Nih Syria Ralkap Hmunkhuarnak Vanlawng Tual Ah Bomb A Thla Tthan Tak Hnga Maw???

World News

Israel Nih Syria Ralkap Hmunkhuarnak Vanlawng Tual Ah Bomb A Thla Tthan Tak Hnga Maw???

Nizan Cawn nili Ni zantlai leisang ahkhan Nitlak lei kap I a um mi Syria ralkap Hmunkhuarnak cu bomb puahnak zeimawzat thawngpang tihnung pipi cu theih a si, Hi ralkap hmunkhuarnak hi Iran nih bawmh mi Hezbollah ralhrang phu hna nih an ralhriam chiahnak hmunpi a si, Homs khualipi khua tlanglei I a um mi nuhrin covo zohkhenhtu phu a si mi  Britain ralkap hmunkhuarnak  tiangin an chimning ahcun hi Vanlawngin bomb thlaknak a tuahtu hi Israel an si hrim lai tiah an zumhnak kong an chim,

Syria ram Britain ralkap hmunkhuarnak hmun I Nuhrin covo lei zohkhentu Rami Abd el-Rahman director report ning ahcun missile 6 nih Daba’a raltuknak vanlawng chiahnak tual hi a khen, Daba’a vanlawng tual hi al-Qusair ralkap vanlawng tual ti zawngin koh/auh a si, hi hmun hi Hezbollah le Iran (pyi-tuh- sit) hna umnak hmunpi a si, Israel lei cu dai tein an um rih ko,

 

Cawn nihnih ni zongah khan Lebanese media nihcun Lebanon vancung ah Israel raltuknak vanlawng a zuan lio cu thawngthanhnak an rak tuah cang, Syria media tiangin thawng an thanh ning ahcun S-200 (anti-aircraft) vanlawng kahnak missile  rawk dihlakin a kah tiah a chim,

Cawn ni 3 ni ahkhan Prime Minister Benjamin Netanyahu nih Tel N raltuknak vanlawng an chiahnak Centre Israel ah vawleicung air force vanralkap hruaitu hna  tonpumhnak an ngeihnak  hmai ah a chim mi cu Syria ah Iran nih ralkap hmunhma khuarnak a ngeih ding kan sianh lai lo, cun Iran nih zeitik hmanh ah nuclear hriam zong a ngei lai lo, Israel van ralkap nih hin kan policy tlamtlinh dingah kum tampi rian an rak ttuan cang, cun hihnu zongah an ttuan thluahmah rih lai, tiah a ti

Click to comment

Leave a Reply

Your email address will not be published. Required fields are marked *

More in World News

To Top