Connect with us

Hringtu Nu Le Pa Nih” Pasal A Ngei Te Dingmi Na Fanu Cu Hi Ti Hin Na Cawnpiak Awk A Si

na fanu

Education

Hringtu Nu Le Pa Nih” Pasal A Ngei Te Dingmi Na Fanu Cu Hi Ti Hin Na Cawnpiak Awk A Si

Na fanu cu hi tin va chim” Meh chuankhin thiam hi chungkhar a dirh tik ah, A pasal duh ning in meh chuan a thiammi si nak in, Ei a duhmi amah tein aa chuankhin thiam nak dingah le nan mah nan um ti lo hnu i amah tein aa zohkhenh khawhnak ding caah, Na chimh ding a si.

Na fanu cu hi tin va chim” An ttih tukmi le nu caah ningzak ngai thil a simi nuphung hngalh hi um hlah sehlaw “Minung” timi hi chuahsem khawh a si lo ti kong kha va cawn piak.

Na fanu cu hi tin va chim” Misual mi tthalo pakhat tuahser nak ruangah a nuthiang sinak a lohtlau sual a si ah cun, Cucu amah ziaza a tthat lo ruangah a si lo bantuk in, Chungkhar caah ningzak thil a si lo tiin va chim.

Na fanu cu hi tin va chim” Nu si hi pum chung thilri pakhat khat chambaunak a ngeimi kan si lo nak kong kha va chim.

Na fanu cu hi tin va chim” Minthan nak in tthat nak tuah ruang i thangthat ton hi duh deuh awk a si zia le, Minung kip nih tei khawh lo tluk khawh lomi phak khawh lomi a si zia kha va chim tawn.

Na fanu cu hi tin va chim” Pa pakhat i a raltthat nak cu sikvelh nak le taksa fah in nak hmun ah si loin, A hmaanmi thil tuah a ngamh i a hmaan lomi thil hrial khawhnak a ngeimi tu kha mi ralttha an si tiin va chim tawn.

Na fanu cu hi tin va chim” Chungkhar na dirh tik ah bochantlak pasal nak in upattlak zohchunh tlak ding pasal tu na kawl deuh awk a si tiah va chim tawn.

Na fanu cu hi tin va chim” Ka caah cun midang nu he nai lo bak lo, Nangmah kan hmuhton hnu in duhdawtnak taktak hi ka theihfian tiin nungak lei ah a mitpar ngaimi tlangval cu pehtlaih ding an si lo tiin va chim tawn.

Na fanu cu hi tin va chim” Tangka suingun chawva tampi a ngeimi pa he chungkhar dirh i timh hi chanchung caah cun nai ruahchan ding le nai tinh ding a si lo tiin va chim tawn.

Na fanu cu hi tin va chim” Pasal a ngeih lo ruangah a mithmai bi mi nu an um bal lo, Asinain an mah tein an dir khawh lo ruang le an cawlcangh khawh lo ruangah a mithmai a bi nu bal an um tiin va chim tawn.

Na fanu cu hi tin va chim” Nu pakhat i a man timi cu nu thianghlim a sinak pakhat lawng si loin, Pumpak a thil ti khawhnak le pawngkam caah zeitluk in dah santlaihnak tthathnemnak a ngeih timi in zohchih le tahchunh, cuaithlai an si tawn tiah va chim.

Credit Photo: Cecilia Ngun Hlei Par

Click to comment

Leave a Reply

Your email address will not be published. Required fields are marked *

More in Education

To Top