Connect with us

Hakha Inn Hlan Man Van A Tong Sifak Caah Khuaci Kan Mui

inn man

Chin News

Hakha Inn Hlan Man Van A Tong Sifak Caah Khuaci Kan Mui

Hakha inn hlan man kongkau hi ahlan te zong in mi tampi nih rak chimceih lengmang mi asi, pumpak zong Hakha ummi inn hlang pawl hi hal hna law na fiang chinchin lai, aluancia kum 4 le kum 3 lio ahcun Hakha inn hlan man hi a faak tuk a si lo, innkhan tha pipi zong thongkul le tongsawmthum hrawng in rak hlan khawh asi, cu nak tam zong an um i cu nak tlawm deuh zong an um ve thiam.

Asinain kawl miphun Hakha an karh cun khuate in a raak kai mi an karh chin lengmang ve, kum 4 chung hrawng ah milu kan karh taktak, inn hlan awk a kawltu zong cu an tam ve a hlei in Kawl miphun pawl hi a bu deuh in um hna kaw, inn hlan awk an kawl tik ah thlakhat 50000 Kyat an hauh hna zong an caah harnak a um lem lo, minung 5 hrawng nih innkhan pakhat an hlan cang ahcun minung pakhat ah 10000 hrawng lawng an ciah hna. Cu caah inn hlan man kongkau a tamtuk ee tiah an phunzai lo.

Asinain thil poi ngaingai pakhat a hung chuak mi cu khuate lei in a rak ra i inn hlan awk a kawl mi le Hakha khua chung ah khuasa mi inn ngei lo pawl caah khua ci an mui ko, thlakhat ah inn hlan man 50000 cu liam an hau ve cang. An liam duh lo le kawl miphun innhlan awk a kawltu an tam caah 50000 kyat pek cu an i lep lai.

Hakha khua ah zapi za raan an thlahlawh hi thlakhat ah ting 2 fai hrawng lawng asi, inn hlang mi ca ahcun khua ci an mui ko cang, inn man ah 50000 Kyat an pek, chungkhar  eidin awk fangcang lawnglawng ahhin tunkhat ah thong 30k  in thong 50 kyat an si hna, fa angei mi chungkhar pawl ca lebang ah cun an fale an sianginn kainak vairang zat an dih cang.

Inn hlan man hrimhrim nih sifak tamtuk nunnnak ah harnak apek hna, cheukhat cu khuate le ah a kir than mi an um len cang tiah theih asi, hi bantuk in inn hlan man faktuk in a kaiter tu inn ngeitu pawl hi khua fak deuh in kan ruah ahau cang, inn hlnag tu nih nan inn man a fak deuh hun ti sual hna ahcun nan duh ahcun um hlah uh ti phun i a um mi nih le kan tam tik ah tangka ngeih  ngeih lo zong ah phunzai ngam lo te in inn man cu pek an hau ve, Cu caah local mi hna ca ahcun inn man hi tum ter deuh ulaw a tha deuh lo maw.

Click to comment

Leave a Reply

Your email address will not be published. Required fields are marked *

More in Chin News

To Top