Connect with us

CHRO Nih Chin Ralzam Kong An Tawlrel Mi Tutiang Ahcun A Tha Taktak Ruahchannak Aum

Chin ralzam

Chin News

CHRO Nih Chin Ralzam Kong An Tawlrel Mi Tutiang Ahcun A Tha Taktak Ruahchannak Aum

CHRO nih Chin ralzam kong Ms. Yanghee Lee office ah a chim, Ms. Yanghee Lee nih Chin ralzam dirkamh in bia a chim colh

UNHCR nih Chin ram a him cang, Chin ralzam pawl kirnak ding caah tihphan awk a um ti lo a timi cu OHCHR in Ms. Yanghee Lee, Special Rapporteur to Myanmar nih a pom lonak a langhter colh cang.

“Chin ralzam kirnak ding ah a him rih lo, Chin ramkulh chungah raldohnak (AA le Kawl ralkap) a um peng rih. Chin miphun cu Khrihfa an sinak ruangah sersat le rialdip an si peng rih” tiah Ms. Yanghee Lee nih 73rd General Assembely pi ah a chim hi a si.

CHRO in Salai Sang Hnin Lian le Michael Howard cu Geneva le London ah Chin ralzam dirhmun kong, Chin ram a him lonak kong le UNHCR nih Chin ralzam kirter ding in biachahnak a tuah mi hi a remh a herh timi kong chim ah Geneva le Lodon ah thlakhat dengmang an cam, cu ahcun Ms. Yanghee Lee office he zong tonnak an ngeih khawh hi asi. An biachim mi a nung, Ms. Yanghee Lee nih an kan dirkamh colh ti khawh a si cang. Ms. Yanghee Lee cu a rauh hlan ah Malaysia a phan tthan lai i Chin ralzam bu pawl zong a ton te hna lai.

Credit: Salai Cung Dawt

Click to comment

Leave a Reply

Your email address will not be published. Required fields are marked *

More in Chin News

To Top